Reconfessions des Actes Crimes et
delictz Commis et perpetrez par
Aignelatte vefve de feu Thiebault
Fouvent de Bonfolz. Par elle
Librement recognuz les 18 20 26
et dernier jour daogst de lan present
1609
Premierement confesse que sont environ quinze
ans Questant en la ville de Pourrentruy
et ayant heu quelque parolles avec sondit
mary A raison quilz estoyent poursuit de
feu Thiebault machanguey pour des dixmes
quil avoyt Rec heu de luy Quiceluy sond
mary estant remply de vin monsta sur sa
charrette et sen alla, la laissant aller
seule a pied, et estant venue jusques
au bois de Morteveille, Ung beau Jeusne
homme vestu de verd (comme luy sembloit)
la surparla de se donner a luy et
quil ne la laisseroit jamais et lui
donneroit de largent. Ce quelle feist
Et Renuncea allors dieu et la vierge
marie Cresme et baptesme, et print
ledit vestu de verd pour son maitre. Lequel
disoit sappeller Robine Et heust allors
Comme depuis beaulxcoup de fois sa
compagnie. Lequel luy donna de largent
comme lui sembloit Mais quant Il fust
dispartis ce ne fut que des feuilles de
chasne. Comme aussi lui donna du
poulsat pour faire a mourir bestes et gens
et de la graisse pour se frotter pour aller
au Sabath.
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
