Du 15 daougst 1609
Henneman Lacovatte de Beurnevesain
par serement depose Que sont environ
Seize ans quil servoit aupres du voueble
dudit lieu Et estant alle requerir les chevaulx
de son maitre ainsy quil les chassoit par aupres
du vergier de Aug henri vouelin. Agatte
femme dicelui dit estant au dessus dudit
vergier ainsy que lesdits chevaulx passoyent
se baissat puis jeta de la main
contre lesdits chevaux mais deposant ne
veit point ce que sestoit. Et tout Instanment
Lung des chevaulx de sondit maitre tombat
par terre tout accoutreti. Lequel Ilz
Laissarent par quelque temps devant la
maison dudit vouelin. Et desla le
pourtarent en la maison de sondit maitre.
Dit en oultre que dimenche passe du soir
ledit henri vouelin estant alle en la maison
de lui deposant. Icelui dit quil ne
scavoit ce quil vouloit faire de sa femme
quelle sestoit volsus relever deux ou trois
fois pour aller mectre le feug en la maison
des freres de lui Neust este quil lavoit
empeiche Et que sen elle sen estoit alle
nesachant ou elle alloit Et quicelle sestoit
declaire quelle ne rentreroit dedans Beur-
nevesain quelle neust faict du mal, quest
tout ce quil en scait
Informations levees contre
Agatte femme de henri
Vouelin de Beurnevesain
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
