Projet "Crimes et châtiments"

+
Reconfessions des actes Crimes et delictz
commis et perpetrez par Agatte femme
de henry vouelin de Beurnevesain
par elle recognus les 17-20-26 daougst
et dernier daougst de lan present 1609.
Premierement confesse questant faschee avec
les freres de son mari, quelle a estee en volonte
par deux ou trois soir de se relever de son lict
pour aller ? mectre le feug en la maison
desdits freres de sondit mary ne fust esté que
sondit mary lan a enpeiche Parce quiceulx
la chargeoyent dinjure.
Item confesse que sont environ dix ans
que au Bolz de Rechesie elle fust sollicitee
de lennemy questoit en forme dhomme vestu
de grys, que sappelloit grappin, de se donner
a luy avec promesse quil lui donneroit
de largent et quelle nauroit Jamais
de rien faulte. Et le soir du mesme
jour ledit Grappin se treuva derrier leur
maison et sur telle sollicitation que devant
Ladite Agatte se donna a lui. Et surce
Renuncer Dieu et la Vierge marie
Cresme et baptesme. Et instaument
Luy donna de largent. Et heust aussy
in sa compagnie. Puis lui donna
du poulsat et de la gresse pour nuire
a gens et bestes. Et quant ledit maitre
grappin fust departi, ledit argent fut
converty en feuilles de chasnes.
Item confessa que par plusieurs fois ladite
agatte a estee au Sabath avec + daultres
vefve Thiebault
sur les planches de Rechesie. Et es planches de
Bonfols dit en Borel.
+ aignelatte
fouvent et