Projet "Crimes et châtiments"

Reconfessions des actes crimes et delicts de
Sortilege
Commis et perpetres par Alix vefve George
Rossel de Boncourt. Selon quicelle les
a heu recongnus et reconfesses librement
les 17. 19. 21. 25 et 27. de mai an
présent 1610.
Premierement confesse que sont environ dix
ans, Qung homme entre nuict et Jour
sadressa a elle la sollicitant de se donner
a lui quil ne la laisseroit jamais et lui
donneroit de lor et de largent pour rebastir
sa maison ; ce quelle feist, et receut dicelui
de largent comme lui sembloit mais quayant
regarde ce ne fust que du pous de la poulsiere
Item confesse qualors elle fust de mesme
sollicitee de Renuncer Dieu Cresme et baptesme
et de le recepvoir pour son maître ce quelle
feist Renuncea dieu Cresme et baptesme
et receut Icelui pour son maître lequel
disoit sappeller charbon. Et heust alors sa
compagnie
Item confesse que alors sondit maitre Charbon
lui donnat du poulsat pour nuire a
gens et bestes. Mais quelle nen a use a
Lendroit des personnes. Ains seulement
envers les bestes.
Item confesse que dudit poulsat elle en avoit
Jecté sur lune des vaches de Nicolas guyon
Laquelle en mourut
De plus confesse quelle en avoit jecté sur lung
des chevaulx de Pierrat Bourquenei Questoit
devant sa maison, lequel en mourut. Et ce a