Projet "Crimes et châtiments"

Information secrete prinse doffice,
Contre Annelin fille henrisat Boulai
de Couurthedoubs et vefve de feu Pierrat
Vauthier dudit lieu, ce 16 dapvril 1603.
Jehan villain dudit Courthedoubs, Par serement
depose, Que Ilz avoyent par ci devant du bestial
questoit malade et signament ung juvencel
dont estant aux Lovres entre aultres une
femme ou fille dit que sil avoyent malle
mescreance que les bestes fusent grevees que
sil sy elle mouroyent quon debvoit baptre le
Ling et quon verroit bien qui auroit causse
cela. Et estant ledit juvencel mort deposant
print ung fleau et baptit fort le ling
dicelui. Surquoi la feue femme de Ge
Jehan Burin dit que Ladite Annelin estoit fort
marquee et blessee par le visaige.
Claude vefve de feu Jehan maillat jadis Mayre
a Courthedoubs depose, Quelle deposante
a heu mauvaise opinion depuis quelle a ouys
dire que ladite Annelin avoit greve a la fille
Pierre Broingne. En ce quelle deposante avoit
Une fille que devint tout enflee de laquelle
elle mourut. Et ce doultant que sadite fille
avoit perdus sa coiffe aux Lovres et parce
quon chargeoit La fille de ladite Annelin lavoir
cache, deposante dit avoir heu ceste opinion
depuis delle.