Proces Criminel de Alix vefve
George Rossel de Boncourt accusee
et saisie pour sortilege
Le 17 de may 1610
Ladite Alix estant Interrogue Sur les faictz dont elle
estoit accusee et sur les Informations prin levees
doffice le matin na rien volsus confesser.
Surquoy luy fust donne terme jusques apres disne.
Apres disne dudit jour
Na rien volsus confesser. Dont elle fust condempnee
a la tourture.
Ou estant simplement solevee de terre confessa
Quil y a environ dix ans, Qung homme entre
nuit et jour sadressa a elle. Luy donna du
poulsat pour nuire a gens et a bestes. Et
Lui donna de lor et de largent mais ce ne fust
que des feuilles de chasnes Et la sollicita de
Renuncer dieu Cresme et baptesme ce quelle
feist. Et heust alors sa compagnie questoit
merveleusement froide Et dit quil sappelloit
charbon.
Dit que dudit Poulsat elle en avoit jecte sur une
vache de Nicolas guyon Laquelle en morut
Plus en jecta sur ung cheval de Pierrat Borquenei
questoit devant sa maison lequel en mourut Et
ce a raison de ce que ledit Bourquenei ne lui
poyoit point sa chievre que ses chiens lui avoient
gaste
Plus dit quelle en avoit aussi jecte ung cheval
chastrels de poil gris questoit a mori guyon,
sont 6 ans a Raison de ce que ledit Mori ne lui
vouloit donner aulcune recompense de sa maison
quil avoit heu.
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
