Projet "Crimes et châtiments"

Proces Criminel de Adelheit vefve Borquin
Betteni de Boncort detenue en prison
pour sortilege
Le 17 de may 1610.
Estant simplement Interrogue sur les faictz dont
elle est accusee Icelle na rien volsus cougnoistre
Sinon quelle confesse avoir heu tire les chievres Jehan
Belin sans leur avoir greve
Et confesse quelle fust envoyee a Souarce faire
ung voyaige pour le cheval Mori guyon ou elle
porta ung estaulx Et raporta de lerbe et de terre
du Cymetiere duquel Ledit cheval fust guairis
Surce lui fust donne terme de sadviser Jusques apres
disne.
Apres disne
Estant derechieff interroguee na rien volsus Cougnoistre
Sinon ce que devant.
Surquoi elle fust condempnee a la torture
Ou estant
Elle confessa que sont 12 ans passe que par deux fois
sestant presente ung homme a elle proche sa maison
et de nuit Lui Icelui Lavoit sollicite de se donner
a lui et quil lui donneroit de largent Surquoy
a chacune desdites deux fois, Appelle le nom de Jesus
Ledit homme sestoit tousjour treuve esvanouy
dit que pour la troisieme fois se presentea a elle
Lui promit de la jamais ne la laisser, et de se
donner a lui Ce quelle feist.
Renuncea dieu Cresme et baptesme,
heust sa compagnie quest froide
Receut de lui de largent que ne furent que feuilles
Sappelloit hemerlin
avoit les pied comme de pied de vaches.
Lui donna du poulsat parEt de la graisse pour
nuire a gens et a bestes
Pourtoit ledit poulsat en une bouetate