Item confesse qualors ledi elle heust sa
compagnie et copulation avec Iceluy
Item confesse qualors aussy elle receut
dudit Hämmerlin son maitre, de largent
comme elle pensoit, mais quayant
regardé a son depart, ce nestoit esté que
de feuilles.
Item confesse que ledit Hammerlin avoit
des pieds comme des pieds de vache.
Item confesse qu'alors ledit Hammerlin
sondit maitre, Lui donna du poulsat en
une bouete pour nuire a gens et a bestes.
Item confesse que dudit poulsat elle en
avoit jecté sur les porcs de Caspar
vallat, Questoyent dessus le grainier
et lesquelx en morurent, Et ce a raison
de ce que ledit Caspar laccusoit davoir
prins de la closure en une barre.
aussi
Item confesse quelle avoit jecté dudit
poulsat sur lung des chevaulx de chez
Mori guyon Et questant sollicitee des
gens de chez ledit guyon de lui ayder, quicelle
conseilla de faire ung veu pour ledit
cheval a Souharce, Ce que ayant
prins ung estaulx et faict ledit voyaige
et prins des herbes et de la terre du
Cymetiere et en donné a manger audit
cheval, Il estoit devenu guairis et luy
avoit osté le mal
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
