Projet "Crimes et châtiments"

doffice se rencontrant du tout semblable a
ceuquelle avoit confessee Icelle fust condempne
destre aplicque a la torture.
Ou estant recougnut entierement questoient
10 ans quelle avoit renunce dieu Cresme et
baptesme
Sestoit donne a son maitre charbon
Avoit heu sa compagnie froide
Quil avoit les pied Rond comme une beste
Quil estoit vestus de gris
Quil lui avoit donne des feuilles pour delargent
Quil avoit receu du poulsat
Et en avoit jectes sur les 2 chevaulx et la vache
predits
Quelle sestoit treuve au Sabath Sur les planches
Gribolai vers le fahir de dele O
Quilec Il y en avoit plusieurs questoient masquees
Quilec elle cougnut la voirade femme de
Pierrat fongaibe de dele.
Le 25 dudit mois 1610
Ladite Alix librement ayant nye les faictz predits
et declaire quelle se faisoit tord ainsy que lon
la conduisoit en prison au lieu ou au paravant
elle avoit este Icelle dit que lon la debvoit
remener vers les sieurs officiers quelle se vouloit descharger
Et estant enmy la court du chasteau icelle dit
que vroyement elle avoit commis et perpertres
les actes et crimes par elle confessee Criant a dieu
merci et a monseigneur le priant de lui vouloir faire
grace Et estoient presents messieurs Balthasar
Reitner, Marrel et je.
Le 26. dudit mois
Ladite Alix estant derechieff examinee le matin dudit
jour Icelle dit quelle se faisoit grand tord
La deculpe