Projet "Crimes et châtiments"

+ de Cueve
Dit de plus Quelle mesme ne se donne
point de peine encour quon lapelle telle genauche
dit quon la suspitionne davoir greve a Richard
chavanne + que demeuroit lors a Beurnevesain
Estienne girard dudit Beurnevesain depose
que ledit henri se declaira que Il avoit empeche
par deux fois sa femme questoit en volonte
daller mectre le feug en la maison de ses
freres
Depose en oultre Avoir ouys dire souventesfois
que lon chargeoit et suspicionoit ladite Agatte
destre une genauche et sorciere, Et quelle
avoit faict mourir ung veau a Jehan
muat. Plus avoit grevé une jument
au voueble Et donne le mal a Richard
chavanne de Cueve Et qune femme de
galfinguen laccusoit de ce fait Et de
mesme quelle et une nomme morise vefve
de henri Jehan guenat avoyent traict et tirez
Les e yeulx a lenfant de henri Jehan
par sorcellerie
guenat Et estre reputee pour genauche
comunement.
Jehan perrin mahon depose du feug nen rien
scavoir sinon que par ouys dire
De laultre faict de genaucherie dit avoir
ouys apppeller genauche comunement a ladite
Agatte Et quelle estoit accusee davoir
greve les lenffant de henri guenat lui
avoit tire les yeulx, avoit fait mourir
ung veau au clavier et une jument
au voueble ; Et avoit donne le mal a ung
nomme Richard chavanne de Cueve duquel Il estoit
encour presentement malade
Dit que ledit henri la menace de le faire a
repentir de ce que sa femme estoit en prison