Projet "Crimes et châtiments"

Jehan mahon de Beurnevesain depose Que
par ung soir en presentce de plusieurs Que ledit
Henri se declaira que Il avoit empeiche par
deux ou trois nuct sa femme que se vouloit
relever pour aller mectre le feug en la
maison de ses freres Et quil sen deschargeoit
de tel faict
Dit quil a ouys dire Que lon chargeoit et
suspitionoit sont plus de quinze ans que ladite
Agatte estoit une genauche Et quelle avoit
fait a mourir des enffans a Bastien simon
et quon lui reprochoit ouvertement Comme aussi
fait mourir ung veau a Jehan muat et dune
une jument au voueble mesme quelle
avoit greve et tire les yeulx a lenfant de
henri guenat Et de plus greve et donne
La maladie a Richard chavanne de Cueve
questoit pour lors son serviteur. Et de
plus a opinion quelle lui a fait a mourir
une jument.
Jehan pbtre Prestre de Beurnevesain
depose que dimenche devant le mostier
que led en presentce de Jaicque chevrolet
Que ledit henri dit Que Il se vouloit
descharger par devant eulx Que sadite femme
sestoit voulu relever pour mectre le feu
en la maison de ses freres. Ce que ledit henri
raconta derechieff sur le soir devant
plusieurs
Dit avoir ouys dire a plusieurs quelle estoit
genauche et quon lui avoit plusieurs fois reproche
sans quelle sen soit purgee
dit quon la charge davoir creve les yeulx au a
lenfant henri guenat, fait mourir les
.5.
6