Projet "Crimes et châtiments"

Agatte lavoit engenauche. Dont de telles
Injures elle ne sen est jamais volsus venger
par droit
Et a bien tousjour ouys depuis reputer ladite
Agatte estre genauche.
Dit que hier pour le jour estant au moulin dudit
Beurnevesain, icellui henri vouelin dit en
presentce de plusieurs quil en feroit a repentir ses
freres et quil les tueroit.
Petremand mahon par serement depose Que
par devant le une grande partie de la Comunaulte
Que hue ledit henri dit et se declaira quil
se vouloit descharger de ce que sa femme
se declairoit quelle vouloit mectre le feu
en la maison des ses freres Et que elle sestoit
volsus relever pour mectre en execution tel
fait mais que lavoit lavoit empeiche Et
que surce elle avoit dit que ce
sy cela ne se faisoit pour lors quelle
le feroit une aultre fois dont de ce
se vouloit avoir descharge.
Depose en oultre que sont bien vingt ans que la
Comunaulte de Beurnevesain avoyent
ung bergier de Faverois que les servit
trois ans lequel nest disoit que ladite
Agatte estoit une genauche, et disoit les
raisons lesquelles deposant a oublier depuis
Dit que Jehan du prai oncle de ladite Agatte
sestoit nagueres declaire que les sorcieres
quon avoit Brusle a dele lavoit accuse
pour estre telle