Agatte et une aultre femme appellee
morise laquelle sest depuis retiree
vindrent en sa maison visiter ledit
enffant Et a opinion ledit deposant que pour
lavoir offence moleste pour ledit manteau
que ladite femme lui a heu donne le mal
a sesdits enffa sondit enfant.
leurdit
Dit de plus que lors quelle entra en ladite
maison quil ny avoit personne.
Dit de plus quicelle agatte sont passe
ung an quicelle fust demander a vendre
a deposant deux penaux froment Ce que
Lui estant refusa tout instanment
leur deux vaches furent tayries instanment
Et ayant surce use de ladvis de gens
la femme dudit deposant print des cendres
cendres de la maison de ladite Agatte et
en ayant donne a leur vaches elles
rendirent incontinenti leur laict.
Dit quil ny a personne en la Comunaulte
que ne fut absente sa compagnie
Jehannette femme dudit henri dit le mesme
Annatte femme de Bastien Simon par serement
depose Que ladite Agatte fust par une fois
querir du laict en sa maison et lui en ayant
refuse par ce quelle nen avoit point leur
deux vaches furent tairies bien 20 sepmaines
jusques a ce Et ne mangeoyent choses
aulcunes sinon jusques a ce quelle fust
prendre des herbes de son curtil et en donna
ausdites vaches et desla reprindrent le manger
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
