Projet "Crimes et châtiments"

Vernier perrial dudit Courthedoubs par serment
a depose Que deposant avoit la fille de
Pierre Broingne pour servande Laquelle
estant alle au Louvre, fust frappee p ladite
Annelin laquelle servande depuis vint inpotente
et disoit ladite servande que telle maladie
Lui estoit derivee du coup quelle avoit receu
de ladite Luc Annelin. Et dit encore
tousjour ouys dire que ladite Annelin estoit une
sorciere
Henri Coinson dudi Courthedoubs depose que
Lui deposant avoit ung enffant que devint
malade et layant interrogue dou venoit ceste
maladie respondit que sestoit Annelin que
Lavoit frappe, et depuis sestant estoit
revenue en quelque peu de convalescence
morut tos apres.
de lui
Dit que de plus que la femme du deposant par
une fois estant en son curtil travaillant
ladite Annelin la rescria quelle travaillioit
bien a la certer  Et le soir dudit jour venu
ladite femme dudit deposant vint malade Et
ayant deposant Interrogue sadite femme
dou procedoit telle maladie, elle respondit
quelle avoit opinion que ladite Annelin lui
avoit donne ladite maladie, de laquelle
environ quinze jours apres elle morut.
Dit de plus que la maison, et vergier de ladite Annelin
est proche de celle du deposant. Et avoir veu
en hiver lors des neiges des passees comme