Projet "Crimes et châtiments"

lequel a son lieu domicille desoubs ung mesme
toict avec Ladite Annelin. Icelle estant proche
de leurs chevaulx, le soir dudit Jour Lung diceulx
devint malade de sorte quil mourut. Et a opinion
deposant que pour avoir refuse de charrier pour elle
quelle avoit donne le mal audit cheval.
Germain torel par serement ; depose que lannee
passee deposant avoit une vache que ne vouloit
donner son laict, et que ayant fait a prendre
des herbes au curtil de ladite Annelin (laquelle
avoit heu quelque dificulte avec la femme
dudit deposant pour huit deniers) et les ayant
fait a manger a ladite vache, elle rendit
tost apres son laict
Thennat maillat de Courthedoubs par serement,
depose, que lan passe, ladite Catherine
Annelin fust interpeller deposant de lui aller
querir une charree de gerbes, ce que ayant
deposant refuse, Incontinenti lui devindrent
deux de ses chevaulx malades de sorte que
environ huit jours apres ses deux chevaulx
morurent Et a opinion que ladite Annelin
Lui a fait mourir ses chevaulx.
Dit que de plus que lui deposant, avoit une seure
sont passe six ans Laquelle estant au Lovre
Le soir et assis entre ladite Annelin et sa fille
et en Riant, sa coiffe Lui tomba, laquelle
fust perdue Et surce quon disoit que la fille de
Ladite Annelin avoit ladite coiffe ladite Annelin en fust