Projet "Crimes et châtiments"

de passees de vaches par son vergier, mesme que
passoyent entre deux paulx. Et lesquelles
passees alloyent par dessus les murs du Cymetiere
mais nentroyent audit Cymitiere ains alloyent
a lentour de la maison de ladite Annelin
Dit de plus que ladite Annelin a ung petit
fils de leaige de dix ans lequel compta
en la grange dudit deposant, que Il y avoit
ung noir homme questoit entre en leur poille
et se y pourmenoit mais que sa mere nestoit
en la maison, Et que Il avoit heu sy grand peur
de lui que Il sestoit cache desoubs la couverte
du lict. Et que ayant ladite Annelin sceu
que sondit fils avoit desclaire tel faict elle
Lavoit baptus.
Dit avoir tousjour ouys dire quelle ladite
Annelin estoit une sorciere
Vernier Torel dudit Courthedoubs, par serement,
Que la femme de lui deposant heust ung proces
contre ladite Annelin en la Justice de Courthedoubs
desorte que la femme dudit deposant, fust
contre condempnee a lemende de quatre
channes de vin, dont le lieu mesme jour,
estant deposant es champs nuictanment ladite
Annelin (Comme la femme dudit deposant le
mantient.) avec ung noir homme vindrent
nuitanment devant la maison dudit deposant
Et rescria ladite femme Disant Alison, vienca
vientend avec nous, voici ung homme qui