Projet "Crimes et châtiments"

ungs qui alloyent de travers les aultres qui sont
mortz. Mais ne scait dou procedoyent telles
Inconveniens et maladies
Semon villain dudit Courthedoubs depose, que sont,
environ, quatre ans quilz avoyent deux Juvencelx
que vindrent malades Et estant estes conseilles
de baptre les lings diceulx, deposant print
Lesdits Lings les baptirent avec des fleu dont
Ladite Annelin se trouvat tout blessee par le
visaige. Non pourtant lesdits Juvencelx morurent
Et a opinion deposant que ladite Annelin les
Leur feist mourir
Vaulbert Jordain dudit lieu Par serement depose
Que la premiere femme de Estienne doland
devint malade sont plus de huit ans de sorte
quil La failloit tenir dont deposant y estant
et laidant a tenir, Icelle femme dudit Doland
present plusieurs aultres personnes dit qui la Baillie
entendant et nommant
quest Ladite Annelin lui avoit donne la maladie.
de laquelle ayant quelquement trayne ladite
de telle maladie finablement en est morte
Theunat guenin par serement depose, Que
Lannée passee, Ladite Annelin fust interpeller
deposant de lui aller querir une charree de
feuille ce que nayant, peu faire pource que
Lui convenoit aller querir de lavenne lui refusa
Et le lendemain ayant deposant mene une
charree de boihin pour son frere Caspar,