Projet "Crimes et châtiments"

Jehan perrin guenin de Courthedoubs Par
serement depose, Quil na aulcune mescreance
sur ladite Annelin. Mais dit quil a bien ouys
dire et encrier Ladite Annelin pour estre
sorciere
Guilliame perriat, Par serement depose, Que
Ladite Annelin et sa mere ont quest morte quont
heu demeure proche de la maison dudit deposant
Et sont plus de quinze quicelles se faschoyent
contre deposant et ses gens de sorte que tost
Incontinent Il devint deux chevaulx malades
audit deposant Et estant este deposant
prendre des herbes au Curtil delles
Lung diceulx guerit et laultre mourut
dit quil a perdus beaulxcoup de chevaulx
et avoit deposant opininion que ladite Annelin
et sa mere Lui faisoyent a mourir
Dit de plus Les avoir par plusieurs fois,
appelle sorciere, sans quicelles sen
soyent venge par droit.
Mory vauthier, dudit chevene Par serement depose
que ladite Annelin a heu espose, le frere de
Lui deposant ; Et quon a tousjour reputee
Icelle Annelin estre une sorciere. Mesme
que lui et sa femme apres quilz avoyent heu
des querelles de propos avec ladite Annelin, quilz
sont estes fort malades devenus debilles et
heu des bestiaulx beaulxcoup malades les