faschee de sorte que tout Instamment ladite
seure dudit deposant devint malade, et disoit
que ladite Annelin lui avoit donne le mal
dequoi elle morut quelque temps apres.
Dit quil a tousjours ouys appeller sorciere
Jehan Jordain dudit Courthedoubs Pas serement depose
quil a de long temps ouys suspitionner ladite
Annelin estre une sorciere aultre chose nen
scait.
Nicolas torel dudit Courthedoubs depose que lui
deposant a heu des chievres que ne vouloyent
donner leur laict, et questant este advertis
de leur voisins de prendre des herbes au
curtil de ceulx quil se mefioyent et en
leur en donner, a manger quelles guairiroyent
Ce que la femme dudit deposant a heu
execute Que tousjour lesdites chievres rendoyent
Leur laict Et dit avoir fait cela a reyterrees fois.
Dedie villain par serement depose, que par une fois
la mere de deposant ayant apporte au marche
vendre du beurre Ladite Annelin le tint et
mania. Et estant retour, les vaches dudit
deposant donnoyent du laict quon heust
bien trayne partout le villaige. Sur quoi estant
La mere dudit deposant estee conseillee elle
fust prendre des herbes au curtil delle
ladite Annelin, et en donna a manger aux vaches
Les fichiers HTML des transcriptions sont tirés directement des fichiers ALTO générés
par e-Scriptorium ou
Transkribus grâce à un fichier xslt.
